محد ضل وياي مسلم الوائلي مكتوبة
طاح الكافل جيتج مايل
محد ضل وياي
هاي اول مره امسي وظهري انكسر
عالنهر عفته يزينب طايح حزام الضهر
راح اخيج يعني زينب كلشي راح
سهام كله وإعله طوله شفته طاح
شگد بچاني من وصاني بيچن علويات
وكل شويه يباوع بيه وغمض عينه ومات
شبيه جدامي متيه خيامي
محد ضل وياي
زينب وينج انه حسينج لازم ظهري وجاي
خلصو ناسي وي عباسي محد ضل وياي
طاح الكافل جيتج مايل محد ضل وياي
داير زنوده عله ظهره و وجهه داير للخيم
شما يفك عينه لخيمچن سدوا عيونه بسهم
شما ادنه عله المخيم تعتنيه
الخيل كله عله الفرات تدني بيه
الخيل تريده جفوفه بعديده وهو بصف الماي
يهضم موته رايح صوته چي صايحلي هواي
فوكك عابر حافر حافر
محد ضل وياي
زينب وينج انه حسينج لازم ظهري وجاي
خلصو ناسي وي عباسي محد ضل وياي
طاح الكافل جيتج مايل محد ضل وياي
يكسر الخاطر لكيته خويه وبصفه طحت
عالتراب خدوده طبعن من كثر ما ملتفت
انگطعت انفاسه من كثر ماحاوطاك ولمو الخيل عله جسمه وطشروه
بالنص صاير وعكسر داير جسمك يلعباس
محد يمك ينزف دمك وظلوعك تنداس
طفو عينك وانه حسينك
محد ضل وياي
زينب وينج انه حسينج لازم ظهري وجاي
خلصو ناسي وي عباسي محد ضل وياي
طاح الكافل جيتج مايل
محد ضل وياي
مات يازينب عضيدي والحجي اليهضم بده
خويه صاحولي الشماته حسين ضل لوحده
عله حسينج جيش كامل ضل يصيح
بعد ساعة ويم اخيك هم تطيح
ويذبحوني فوك متوني تركض نفس الخيل
كايم طايح بلدم سابح حسينج مابيه حيل
ماظل غالي وحدج تالي
محد ضل وياي
للشاعر محمد الموسوي
شيخسر الموت ويكعده ويرجع يمض اللوه
والزم ايده ويلزم ايدي وللخيم نرجع سوه
كون اشوف الماي بيده وهو جاي
ليش اشوفه يموت ضامي وبيده ماي
كون الكافل يرجع شايل فوك متونه الجود
كون نشوفه بيده جفوفه وذيج الهيبه تعود
مو كدامي ميت ضامي
محد ضل وياي
زينب وينج انه حسينج لازم ظهري وجاي
خلصو ناسي وي عباسي محد ضل وياي
طاح الكافل جيتج مايل محد ضل وياي
تعليقات
إرسال تعليق